Cita un passaggio breve, al massimo 4 versi, e racconta cosa significa per te.
Seleziona un passaggio (fino a 4 versi) per annotarlo.
Ah! Che bell'aria fresca,
Ch'addore 'e malvarosa!
E tu durmenno staje
'Ncopp'a 'sti ffronne 'e rosa.
'O sole a ppoco a ppoco
Pe' 'stu ciardino sponta,
'O viento passa e vasa
'Stu ricciulillo 'nfronte.
I' te vurria vasà,
I' te vurria vasà,
Ma 'o core nun m' 'o ddice
'E te scetà,
'E te scetà.
I' mme vurria addurmì,
I' mme vurria addurmì
Vicin' ô sciato tuojo
'N'ora pur'i',
'N'ora pur'i'.
Tu duorme, oje Rosa mia,
E duorme a suonno chino,
Mentr'io guardo, 'ncantato,
'Stu musso curallino.
E chesti ccarne ffresche
E chesti ttrezze nnere
Me mettono 'int' ô core
Mille male penziere.
I' te vurria vasà,
I' te vurria vasà,
Ma 'o core nun m' 'o ddice
'E te scetà,
'E te scetà.
I' mme vurria addurmì,
I' mme vurria addurmì
Vicin' ô sciato tuojo
'N'ora pur'i',
'N'ora pur'i'.
Sento 'stu core tuojo
Ca sbatte comm'a ll'onne.
Durmenno, angelo mio,
Chi sà tu a chi te suonne.
'A gelusia turmenta
'Stu core mio malato.
Te suonne a me? Dimmello!
O pure suonne a 'n'ato?
I' te vurria vasà,
I' te vurria vasà,
Ma 'o core nun m' 'o ddice
'E te scetà,
'E te scetà.
I' mme vurria addurmì,
I' mme vurria addurmì
Vicin' ô sciato tuojo
'N'ora pur'i',
'N'ora pur'i'.